ShQO-nyń mas turǵyny páterinen órt shyǵardy, 4 adam evakýatsııalandy
ÓSKEMEN. QazAqparat — Shyǵys Qazaqstan oblysynyń mas turǵyny páterinen órt shyǵardy, dep habarlaıdy QazAqparat.
Oqıǵa Óskemen qalasynyń B. Gagarın kóshesinde bolǵan. Órt sóndirýshiler oqıǵa ornyna jetkende, toǵyz qabatty úıdiń tórtinshi qabatyndaǵy eki bólmeli páter janyp jatqanyn anyqtaǵan. Jatyn bólmede 0,5 sharshy metr aýmaqta tósek oryn jabdyqtary otqa oranǵan.
«Órt sóndirýshiler qaýipsizdik maqsatynda 4 turǵyndy evakýatsııalady, olardyń arasynda bir bala bar.
Barlaý kezinde gaz ben tútinnen qorǵaý qyzmeti tútinge oranǵan páter ishinen 1972 jylǵy er adamdy qutqaryp shyǵardy. Ol 1-shi qalalyq aýrýhanaǵa jetkizilip, dárigerlerdiń qaraýynan keıin úıine jiberildi», - dedi ShQO Tótenshe jaǵdaılar departamentinen.
Málim etilgendeı, órttiń shyǵýyna páter ıesiniń alkogoldik mas kúıde otty abaısyz paıdalanýy bolǵan.
«ShQO TJD órt qaýipsizdigi erejelerin saqtaý kerektigin jáne tósekte jatyp temeki shegýge bolmaıtynyn eske salady. Úıińizde órt sóndirý quralyn saqtańyz. Órt kezinde 101 nemese 112 nómirine habarlasyńyz», - dedi vedomstvodan.
