ShQO-nyń Kúrshim aýdanynda naızaǵaıdyń áserinen tutanǵan órt sóndirildi

ÓSKEMEN. QazAqparat - 2023 jylǵy 9 shildede saǵat 15.00-de Kúrshim aýdanyndaǵy taýly jerde naızaǵaıdyń tikeleı áserinen qurǵaq shóp jandy, dep habarlaıdy QazAqparat Shyǵys Qazaqstan oblystyq Tótenshe jaǵdaılar departamentiniń baspasóz qyzmetine silteme jasap.

Oqıǵa ornyna avtokólik tehnıkasymen jetý múmkin bolmaǵandyqtan, jergilikti atqarýshy organdardan, órt sóndirýshiler men ormanshylardan 34 adam janý oshaǵyna jaıaý jiberildi.

Órt 10 shilde kúni 00.00-de sóndirildi. Jalyn sharpyǵan aýmaq 3 gektardy qurady.

Esterińizge sala keteıik, oblystyń ońtústigi men batysynda órt qaýipiniń joǵary deńgeıi týraly eskertý bar.

ShQO TJD halyqqa ashyq otty paıdalaný kezinde óte saq bolýǵa, úıler men úı-jaılardyń janynda ot jaǵýǵa, qurǵaq shópti, qamysty órtemeýge keńes beredi.

«Kólikterden sóndirilmegen temeki, shyny ydystardy tastamańyzdar. Ot jaǵýǵa bolmaıdy!»,-delingen habarlamada.