ShQO-nyń kıeli oryndary mobıldi qosymshaǵa enedi

ÓSKEMEN. QazAqparat - ShQO týrızm jáne syrtqy baılanystar basqarmasy óńirdiń kıeli jerlerin qamtıtyn mobıldi qosymshadaǵy týrıstik aýdıogıd jasaýdy josparlap otyr, dep habarlaıdy QazAqparat tilshisi.

«Bul týrısterge bizdiń aımaqtyń baı tarıhy men kórikti týrıstik nysandary jaıly qoljetimdi aqparat alýǵa múmkindik beredi. Atalmysh aýdıogıdti árbir týrıst tegin paıdalana alady, barlyq jazbalar Play Market, App Store jáne  toureast.kz. saıtynyń platformalarynda qoljetimdi túrde ornalastyrylatyn bolady» - deıdi ShQO týrıstik aqparattyq ortalyq dırektory Symbat Ramazanov.

 Qazir toureast.kz saıtynda aýdıogıdqa kiretin nysandar boıynsha daýys berý bastaldy. Óńirdiń árbir turǵyny saıta kirip, ózi tańdaýly dep sanaǵan nysanǵa daýys berip, óziniń pikirin qaldyra alady.