ShQO-nyń keıbir aýdandarynda qasqyr kóbeıip ketken
ASTANA. QazAqparat - Shyǵys Qazaqstannyń úsh aýdanynda qasqyr shabýyly kóbeıgen. Mamandar óńirdegi «ıtqus» popýlıatsııasyn 50 paıyzǵa deıin azaıtý qajet dep esepteıdi.
Qys qaharyna mingen saıyn qasqyrlardyń malǵa shabýyly jıilep otyr. Ásirese Katonqaraǵaı, Ulan jáne Tarbaǵataı aýdanynnyń halqy qasqyr shabýylynyń jıilegenin aıtyp shaǵymdanýda.
«Qasqyrlardyń popýlıatsııasyna aralasyp otyrǵanymyz bir bul emes. Jyl saıyn osylaı esep júrgizip, nátıjesine qaraı aýlaý sharalaryn qarjylandyramyz. Bıyl Katonqaraǵaı jáne Ulan aýdanynda qasqyr kóbeıip tur. Turǵyndar kún saıyn telefon shalyp, dabyl qaǵýda. Sondyqtan bıyl olardyń sanyn 50 paıyzǵa azaıtý qajet dep sheshtik», - deıdi oblystyq tabıǵı resýrstar jáne tabıǵat paıdalanýdy retteý basqarmasynyń bólim basshysy Arman Esentaev.
Qasqyr atý naýqanyna jeke jáne zańdy tulǵalar syıaqy tóleý arqyly tartylmaq. Basqarma ókilderi eresek qasqyrdyń bireýi úshin 12 000 teńge, bóltirik úshin 6000 tóleýge ýáde berip otyr.
Basqarmanyń málimetine sensek, ótken jyldyń sońǵy úsh aıynda-aq aýyl turǵyndary 358 qasqyrdyń terisin ótkizipti. Kóktem shyqqansha taǵy 500-deı qasqyr aýlanýy tıis degen jospar bar.
