ShQO-nyń qaı aýmaqtarynda koronavırýs órship tur
«Bizde tıisti oqshaýlaý ortalyǵy bar jáne ol qazirgi kezde qyzmet etip keledi. Meniń orynbasarym tańǵy saǵat 7:30-da, men ózim saǵat 11:00-de jáne 19:00-de bas dárigerlermen, ákimdermen keńes ótkizemin. Sonymen qatar saǵat 22:00 men 23:00 arasynda jeke aýdandar aǵymdaǵy jaǵdaıǵa baılanysty baıandaıdy. Qazir koronavırýsqa shaldyǵý deńgeıiniń ósýin Óskemen, Altaı, Rıdder qalalarynda jáne Glýbokoe aýdanynda tirkep jatyrmyz», - dedi ákim Ortalyq kommýnıkatsııalar qyzmetinde.
Sonymen qatar ol óńir turǵyndary kóbine qaı jerlerde indetti kóp juqtyratynyn aıtty.
«Turǵyndar negizinen adamdar kóp jınalatyn oryndarda, ıaǵnı qoǵamdyq kólikte, qoǵamdyq oryndarda juqtyrǵandyqtan, tıisti shekteýdi engizdik. Іri kásiporyndarda KVI-di jappaı juqtyrý oqıǵalary bolmady. Máselen, «Qaztsınkte» 104 adam aýyrdy, alaıda bul indet bastalǵannan bergi kórsetkish», - dedi D. Ahmetov.
ShQO basshysy búgingi baspasóz máslıhatynda, sondaı-aq oqýshylardyń koronavırýs juqtyrý jaǵdaılaryna túsinik berdi. Óńirdiń damý deńgeıine qatysty málimetpen bólisti.