ShQO-nyń Glýbokoe aýdanynda jabdyqtalmaǵan jerde shomylǵan er adam sýǵa batyp ketti
ASTANA. QazAqparat - 20 maýsymda Glýbokoe aýdany Beloýsovka aýylyndaǵy Glýbochanka kólinde jabdyqtalmaǵan jerge shomylǵan 1983 jyly týǵan er adam sýǵa batyp ketti, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.
Belgili bolǵandaı, ol dostarymen birge sý qoımasyna kelip, jaqyn jerde ornatylǵan tyıym salynǵan belgini elemegen. ShQO TJD Jedel-qutqarý jasaǵynyń súńgýirleri deneni sýdan alyp shyqty.
«Tyıym salynǵan belgiler - bul adamdardyń qaýipsizdik sharalaryn saqtaýy úshin qajet aqparat. Olar kúshti aǵyn, tereń ıirim, jaqyn jerde qutqarýshylardyń joqtyǵy týraly habarlaıdy», - dep atap ótti ShQO TJD bastyǵynyń orynbasary Arman Toqanov.
ShQO TJD sýdaǵy júris-turys erejeleri týraly umytpaýdy, sizdiń ómirińiz osyǵan baılanysty ekenin eske salady. Demalýshylar myna jaıttarǵa jol bermeýi qajet:
- shomylý úshin ruqsat etilmegen sý aıdyndaryn tańdaý;
- eshbir jaǵdaıda mas kúıde sýǵa túspeý;
- qaıyqtardan, aılaqtardan, sondaı-aq tekserilmegen jáne jabdyqtalmaǵan oryndarda sýǵa sekirý qaýipti;
- júzýge arnalmaǵan zattarmen júzýge bolmaıdy;
- eresekterdiń qaraýynsyz balalarǵa sýǵa túsýge tyıym salynady;
- táýekelge barmańyz jáne óz kúshterińizdi asyra baǵalap, alysqa júzbeńiz.
Tótenshe jaǵdaı kezinde 101 nemese 112 nómiri boıynsha habarlańyz.
