ShQO-nyń elektr baǵandary qulaǵan aýylǵa jaryq berildi
ÓSKEMEN. QazAqparat -Shyǵys Qazaqstan oblysynyń Kókpekti aýdanynda jaryqsyz qalǵan aýyldyń máselesi túbegeıli sheshildi, dep habarlaıdy QazAqparat tilshisi.
Aýdan ákiminiń orynbasary Marat Temirjanovtyń aıtýynsha, 21 mamyr kúni Úlgilimalshy aýylynda daýyl turyp, 4 elektr baǵanasy qulaǵan. Saldarynan 9 kóshe jaryqsyz qalǵan.
«Basqa 3 kóshede jaryq úzilgen joq. Sol kúni-aq Kókpekti aýmaqtyq elektr jelisiniń jedel áreket etý jasaǵy jaryqsyz qalǵan 95 abonenttiń 60-yna jaryq qosyp berdi.
Aýdandyq meteostansanyń málimeti boıynsha, jeldiń jyldamdyǵy sekýndyna 18 metrge jetken. Erteńine Úlgilimalshy aýylynda kúndizgi 12:00-den keshki 18:00-ge deıin jaryq bolǵan joq. Sebebi qulaǵan baǵanalardy turǵyzý qajet bolatyn. Daýyl saldary 2 táýlik ishinde tolyq joıyldy. Qazir aýyldaǵy barlyq úıde jaryq bar» - deıdi ákimdik ókili.
