ShQO-nyń tsınk zaýytynda peshten kúkirttiń atqylaýynan eki jumysshyny kúıik shaldy
ASTANA. 30 naýryz. QazAqparat - Juma kúni tańerteń Óskemen qalasynda «Qaztsınk» JShS-nyń tsınk zaýytynyń kúıdirý tsehynda peshke tsınk kontsentratyn salý kezinde janyp jatqan tehnologııalyq materıal - kúkirttiń atqylaýy boldy,
dep habarlady QR TJM-nan.
Saldarynan «Qaztsınk-Romservıs» JShS-nyń 47 jáne 25 jastaǵy eki jumysshysy kúıik jaraqattaryn alyp, aýrýhanaǵa jetkizildi.
Budan basqa, Qyzylorda qalasynda sol kúni keshqurym bólek turǵan bir qabatty saraıda syıymdylyǵy 50 lıtrlik gaz ballony jarylyp, onyń arty otqa ulasty. Órt 45 mınýttan keıin sóndirildi. Onymen kúreske QR TJM Qyzylorda oblystyq TJD órt sóndirý qyzmetiniń 10 adamy men 3 tehnıkasy jumyldyryldy. Jalyn sharpyǵan aýmaq 36 sharshy metrdi qurady.
Jarylys saldarynan 30 jastaǵy qazaqstandyq jáne Ózbekstannyń tórt azamaty kúıik jaraqattarymen aýrýhanaǵa jetkizildi.
