ShQO-nyń Buqtyrma buǵazynda demalýshylardy tonaǵan ury ustaldy
ÓSKEMEN. QazAqparat - ShQO-nyń Zyrıan aýdanynda Buqtyrma buǵazynda demalyp jatqan adamdardyń úılerindegi zattaryn urlaǵan jigit ustaldy, dep habarlaıdy QazAqparat tilshisi.
Zyrıan aýdandyq ishki qyzmetiniń ókilderi Pavlodar qalasynyń 19 jastaǵy jigitin urlanǵan zattardy Jańa Buqtyrma kentindegi bazarda satyp júrgen jerinen tutqyndaǵan.
«Qoldy bolǵan zattardyń ishinde úrlenetin qaıyqtan bastap, teledıdar da bar bolyp shyqty. Kúdikti demalys bazalaryn panalaýshy adamdardyń sýǵa shomylýǵa ketken sátin paıdalanyp, úıdegi baǵaly zattardy úptep otyrǵan. Ázirge onyń 100 myń teńgeniń zattaryn urlaǵany anyqtaldy» - dedi oblystyq ishki ister departamentiniń memlekettik til jáne aqparat basqarmasynyń basshysy Aágerim Nurǵazına.
Qazirgi tańda atalǵan is boıynsha sotqa deıingi tergep-tekserý sharalary júrip jatyr.
