ShQO-nyń basym aýmaǵyndaǵy, Almaty men Mańǵystaý oblystarynyń keı óńirlerindegi saryshunaq aıazdar beısenbi kúni de saqtalady - Qazgıdromet
ASTANA. 25 qańtar. QazAqparat - «Qazgıdromettiń» boljaýynsha, 26 qańtar kúni Qazaqstannyń basym aýmaǵy arqyly atmosferalyq aǵymdardyń ótýne baılanysty kún raıy turaqsyz bolady dep kútilýde. Respýblıkanyń soltústigine sýyq antıtsıklonnyń yqpaly saqtalady.
Atap aıtqanda, Aqmola, Qostanaı, Soltústik Qazaqstan, Jambyl, Ońtústik Qazaqstan oblystarynyń keı jerlerinde tuman bolady, Jambyl, Ońtústik Qazaqstan oblystarynda jeldiń ekpini sekýndyna 15-22 metrge deıin kúsheıýi múmkin.
Atyraý, Shyǵys Qazaqstan oblystarynyń jekelegen jerlerinde sondaı-aq, tumandy, jaıaý burqasyn júrip, 15-20 m/s jyldamdyqpen jel soǵady.
Aqtóbe, Qyzylorda, kúndiz Almaty oblystarynda jel kúsheıip, onyń ekpini sekýndyna 15-20 metrdi quraıtyn bolady. Aqtóbe oblysynda oǵan jaıaý burqasyn qosylady.
Mańǵystaý oblysynyń keı aýmaqtarynda kóktaıǵaq boljanýda.
Shyǵys Qazaqstan oblysynyń basym aýmaǵyndaǵy, sondaı-aq Almaty men Mańǵystaý oblystarynyń keı óńirlerindegi saryshunaq aıazdar búgin de saqtalady.
Gıdrologııalyq boljamdarǵa sáıkes, aldaǵy táýlikte Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystaryndaǵy ózenderdiń deninde muz qatý protsesterine baılanysty sý deńgeıleriniń aýytqýy baıqalady. Jekelegen ózenderde sý deńgeıiniń kenetten kóterilýinen sý basý jaǵdaılary bolýy yqtımal.
