ShQO-nyń barlyq aýdanynda jylytý maýsymyna daıyndyq kesteden qalmaı júrgizilýi tıis – ákim

ÓSKEMEN. QazAqparat – Shyǵys Qazaqstan oblysynyń ákimi Ermek Kósherbaev aımaqta júzege asyrylyp jatqan jobalarmen tanysý jáne birinshi kezektegi mindetterdi anyqtaý úshin óńirlik basqarmalar basshylarymen kezdesý ótkizdi, dep habarlaıdy QazAqparat tilshisi.

«Biz barlyq áleýetimizdi shynymen mańyzdy tustarda shoǵyrlandyrýymyz kerek. Eń aldymen bul jylytý maýsymyna daıyndyq. Oblystyń barlyq aýdanynda bul jumys kesteden qalmaı júrgizilýi tıis. Sonymen qatar turǵyndar birqatar saladaǵy jobalardyń barysynan habardar bolyp otyrýy kerek. Atap aıtqanda, mektepter, balabaqshalar, turǵyn úı-kommýnaldyq sharýashylyq nysandarynyń qurylysy, joldardy salý jáne jóndeý jobalary. Osylaısha, olar júrgiziletin jumystardyń sapasyna barynsha kóz jetkize alady», - dedi Ermek Kósherbaev.

Onyń aıtýynsha, áleýmettik salaǵa basa nazar aýdarylatyn bolady. Óıtkeni oblystyń árbir turǵynynyń ál-aýqaty osyǵan tikeleı baılanysty.

«Shyǵys Qazaqstan árqashan túrli salalardaǵy jańa ıdeıalar men jobalardyń bastamashysy. Bizdiń tájirıbeni basqa aımaqtar da qoldanady. Qazir negizgi mindet – barlyq jylý kózderin, magıstraldyq jelilerdi, áleýmettik nysandardy jáne turǵyn úılerdi jylytý maýsymynyń basyna deıin júz paıyz daıyndyqqa keltirý. Basqarma basshylary barlyq máseleden habardar bolyp, ony sheshýge bar kúsh-jigerin salý qajet», - dedi oblys ákimi.

Eske salsaq, Prezıdent jańa taǵaıyndalǵan ShQO ákimi Ermek Kósherbaevqa birqatar mindet júktegen bolatyn.