ShQO-nyń «Altaı» voleıbol komandasy Qazaqstan kýbogyn jeńip aldy
ASTANA. QazAqparat - Óskemende áıelder arasynda voleıboldan ótken Qazaqstan Respýblıkasy kýbogynda shyǵysqazaqstandyq «Altaı» komandasy jeńiske jetti, dep habarlaıdy «QazAqparat» HAA tilshisi ShQO Dene shynyqtyrý jáne sport basqarmasynyń baspasóz qyzmetine silteme jasap.
Shyǵystan shyqqan komanda Pavlodarlyq «Ertis-Qazhrom» komandasymen aqtyq synda kezdesip, oıyn 5 setke deıin sozylǵan. Tartysty báseke sońynda 2:3 esebimen jeńiske jetken «Altaı» oıynshylary Qazaqstan Kýbogynyń ıegeri atandy.
Jeńimpaz komandany Shyǵys Qazaqstan oblysynyń ákimi Danıal Ahmetov quttyqtady.
«Sizderdi Qazaqstan Respýblıkasy Kýbogy oıyndarynyń aıaqtalýymen shyn júrekten quttyqtaımyn. Bolashaqta «Altaı» komandasyn álem chempıonatynda, Tokıoda ótetin Olımpıada oıyndarynda kórgimiz keledi. Biz ol úshin qoldan kelgendi aıanbaı, qoldaý kórsetemiz. Biz sizderdi maqtan tutamyz», - dedi Danıal Ahmetov.
«Altaı» sapyndaǵy Sana Anarqulova quramadaǵy «Úzdik oıynshy» nomınatsııasyn aldy.
Qazaqstan Kýbogynda ekinshi oryndy pavlodarlyq komanda ıelense, úshinshi oryndy «Jetisý» komandasy alǵan. Al Shyǵys Qazaqstannyń namysyn qorǵaǵan ekinshi «Altaı2» komandasy tórtinshi orynnan kórinip otyr.
