ShQO-nyń Altaı men Aıagóz qalalarynda júrekke ota jasaıtyn ortalyq ashylady
ÓSKEMEN. QazAqparat - Qyrkúıekte Shyǵys Qazaqstan oblysynyń Altaı jáne Aıagóz qalalarynda júrek qan-tamyrlary júıesine arnalǵan qurylǵysy bar 2 ortalyq ashylady.
Bul týraly ShQO máslıhatynyń altynshy shaqyrylymnyń XL kezekti sessııasynda oblys basshysy Danıal Ahmetov aıtty, dep habarlaıdy QazAqparat tilshisi.
«Dári-dármekpen baılanysty jaǵdaı kúndelikti baqylaýda. Ár ákim oblys boıynsha 770 dárihananyń jaǵdaıyn baqylap, monıtorıng jasap otyr», - ShQO ákimi Danıal Ahmetov.
Onyń aıtýynsha, jaqyn arada oblystaǵy epıdemıologııalyq jaǵdaıǵa monıtorıng jasaıtyn tsıfrlyq server iske qosylady.
«Biz koronavırýs týraly ǵana oılamaı, kúzde qyrkúıek, qazan aıynda bolýy múmkin jaǵdaıdy da eskere otyryp, áreket etýimiz kerek. Qyrkúıekte Altaı jáne Aıagóz qalalarynda júrek qan-tamyrlary júıesine arnalǵan qurylǵysy bar 2 ortalyq ashylady. Buryn Óskemen men Semeıde ǵana jasalatyn kúrdeli otalar endi osy qaladarda da jasalady», - deıdi ol.
