ShQO-nyń áleýmettik kómek ortalyǵynda 4 bala qaıtys boldy
NUR-SULTAN. QazAqparat – Shyǵys Qazaqstan oblysy Aıagóz qalasyndaǵy arnaıy áleýmettik kómek ortalyǵynyń 4 tárbıelenýshisi kóz jumdy, dep habarlaıdy QazAqparat.
Polisia.kz saıtynda málim etilgendeı, atalmysh balalar ortalyǵynan 10-ǵa jýyq bala «qyzylsha» dıagnozymen juqpaly aýrýlar aýrýhanasyna túsken. Keıbirinen ishek ınfektsııasy anyqtaldy. Saldarynan tórt bala qaıtys boldy.
QR Іshki ister mınıstrligi istiń tergelýin óz baqylaýyna aldy.
«QR QK 317-baby 4-bóligi «Medıtsına nemese farmatsevtıka jumyskeriniń kásiptik mindetterin tıisinshe oryndamaýy saldarynan abaısyzda eki nemese odan da kóp adamnyń ólimine ákep soqqan is-áreketter» boıynsha sotqa deıingi tergeý jumystary bastaldy. Qajetti tergeý sharalary júrgizilip jatyr, sáıkes saraptamalar taǵaıyndaldy», - delingen aqparatta.
