ShQO-nyń Aqsýat aýylynda balalar teatry ashyldy
TARBAǴATAI. QazAqparat – Shyǵys Qazaqstan oblysy Tarbaǵataı aýdanynyń Aqsýat aýylynda balalar teatry jumys isteı bastady, dep habarlaıdy QazAqparat altaynews.kz saıtyna silteme jasap.
«Tamshy» balalar teatry jas akter, rejısser Beıbit Qusanbaevtyń bastamasymen ashyldy. Bul - aýylda qurylǵan alǵashqy teatr.
Balalar teatryn ashý ıdeıasy osydan 7-8 aı buryn paıda bolǵan. Bas kezde shyǵarmashylyq úıirme retinde jumys isteı bastaǵan. Aýyl jasóspirimderi ónerge kóptep tartyla bastaǵan soń, úıirmeni keńeıtý týraly sheshim qabyldandy.
Qazir teatrda 60-qa jýyq daryndy bala óner kórsetedi. Olar kóptegen baıqaýlarǵa qatysyp, jeńispen de oralyp jatyr. Odan bólek, qaıyrymdylyq kontsertterin jıi uıymdastyryp turady.
