ShQO-nyń Abaı aýdanynda 32 páter kópbalaly jáne turmysy tómen otbasylarǵa berildi
ÓSKEMEN. QazAqparat – Shyǵys Qazaqstan oblysynyń Abaı aýdanynda eki páterli 16 úıdiń qurylysy aıaqtalyp, 32 páter kópbalaly jáne turmysy tómen otbasylarǵa berildi.
Bul týraly QazAqparat ShQO ákiminiń baspasóz qyzmetine silteme jasap habarlaıdy.
Baspasóz qyzmetiniń málimetterine qaraǵanda, berilgen úıler «Nurly jer» memlekettik baǵdarlamasy aıasynda aımaq basshysy Danıal Ahmetovtyń tapsyrmasymen júzege asyrylyp jatqan «Bir qabatty shyǵys» óńirlik jobasy negizinde salynǵan.
Sonymen qatar, Qaraýyl aýylyndaǵy kóp jyldar bos turǵan kóppáterli 2 turǵyn úı jóndelip, qalpyna keltirildi. 15 páter aýyldaǵy turmysy tómen jáne kópbalaly otbasylarǵa tabys etildi.
«Jıyny 47 kópbalaly jáne turmysy tómen otbasylar baspanaly boldy. Bul páter ıeleriniń ǵana emes, kúlli Abaı jurtshylyǵynyń ortaq qýanyshy»,-delingen habarlamada.
