ShQO-nyń 4 aýdanynda tótenshe jaǵdaı saqtalady
ÓSKEMEN. QazAqparat - Birneshe kúngi tasqyn saldarynan Zyrıan aýdanynyń 9 aýylyn sý alyp, 300-den astam úıge sý kirgen, dep habarlaıdy QazAqparat tilshisi.
ShQO tótenshe jaǵdaılar departamenti sý basqan 4 aýdanda áli de bolsa tótenshe jaǵdaı saqtalatynyn habarlady. Qazir negizgi kúsh Zyrıan jáne Katonqaraǵaı aýdandaryna baǵyttalǵan. Zyrıan aýdanynyń 9 aýylyn sý alyp, 800-ge jýyq adam úılerin tastap shyqty. Onyń kóbi týysqandaryn panalaýda. Qutqarý qyzmetiniń psıhologtary úılerin sý alǵan turǵyndarmen tyńǵylyqty jumys isteýde.
«Turǵyndar apattyń zardabyn óte aýyr qabyldaýda. Biz shamamyzdyń kelgeninshe kóńilderin aýlap, jaqsy dúnıeler oılatýǵa tyrysyp jatyrmyz» - deıdi qutqarýshy psıholog Oksana Petrova.
Ýaqytsha baspanalarda apattyq medıtsına ortalyǵynyń mamandary da jumys isteýde. Jergilikti qutqarýshylarǵa Qazaqstan men Almaty oblysynan qosymsha jasaq pen sorǵytqysh quraldar jetkizilgen.
Semeıde Ertis sabasyna túsip, úılerge kirgen sý qaıta bastady. Kommýnaldyq qyzmet ókilderi sýdan bosaǵan ýchaskelerdi batpaq pen muz kesekterinen tazartýda.
