ShQO-nyń 270 myńǵa jýyq turǵyny - jastar

SEMEI. QazAqparat - Semeıde VIІ oblystyq dástúrli «Stýdenttik kóktem-2019» festıvali bastaldy. 6 myńnan astam mektep túlek kásiptik baǵdar berý alańdaryna bardy. Bul týraly QazAqparat Semeı aqparattyq ortalyǵyna silteme jasap habarlaıdy.

Festıvalde óńirdiń 6 JOO jáne 22 kolledj ókilderi joǵary synyp oqýshylaryna ózderiniń mamandyqtary men oqý oryndaryn tanystyrdy. Jalpy kásiptik alańdarǵa 6 myń mektep túlegi qatysty.

Sondaı-aq, áleýmettik jelilerde onlaın daýys berý arqyly «Jastar tańdaýy»atalymy boıynsha úzdik joǵary oqý orny anyqtalady.

«Elbasynyń Bes áleýmettik bastamalarynyń úshinshi baǵyty boıynsha josparlanǵan 11 jataqhananyń ekeýi Semeı qalasynda ashyldy. Qazir 9 jataqhananyń qujaty daıyndalyp jatyr. «Bilikti maman» jobasy boıynsha sońǵy eki jylda óńirde qajetti mamandardy daıarlaýǵa oblys ákiminiń arnaıy granttary bólinýde. Búgingi tańda 646 jas grant ıegerleri atandy. Jumystyń oń nátıjesi qazirdiń ózinde kórinedi , - dedi jastar resýrstyq ortalyǵynyń ShQO ІSB Araılym Esimbekova.

Aıta keteıik, búgingi tańda Shyǵys Qazaqstan oblysynda 14-29 jas aralyǵyndaǵy 265 myń jas turady. Bul oblys halqynyń 19% quraıdy. Bul rette jastardyń 25% - yn stýdentter quraıdy.

Oblystyń 8 JOO men 86 kolledjderinde 66 548 stýdent bilim alýda.