ShQO-nyń 11 oıyn-saýyq ortalyǵynan 167 buzýshylyq anyqtaldy
ÓSKEMEN. QazAqparat - Shyǵys Qazaqstan oblysynda órtke qarsy qyzmet ókilderi saýda jáne oıyn-saýyq oryndaryn jospardan tys tekserýde. Búginge deıin 11 ortalyqtan 167 zańbuzýshylyq anyqtaldy, dep habarlaıdy QazAqparat tilshisi.
Oblys boıynsha órt qaýipsizdigin pysyqtaý maqsatynda 97 nysan tizimge alynǵan bolatyn. Oblystyq tótenshe jaǵdaı qyzmetkerleri sonyń 11-in tekserip úlgergen. Mamandardyń aıtýynsha, eń kóp kezdesetin zańsyzdyqtar qataryna apattyq esikti bekitip tastaý, elektr jelileriniń qabattasyp tartylýy, órt dabyl avtomatynyń jumys istemeýi sııaqty aqaýlar engen.
«Saýda oryndarynda órt qaýipsizdiginiń eń bir qarapaıym talaptary oryndalmaıtyny anyqtalyp otyr. Shylym shegetin arnaıy orynnyń bolmaýy, avtoturaq alańynda órt sóndirý kóligine arnalǵan joldyń qarastyrylmaýy, aǵash qaptamalardyń ottan qorǵaıtyn zatpen óńdelmeýi, janarmaıdy otqa jaqyn jerde saqtaý sııaqty olqylyqtar jıi kezdesti» - deıdi TJD ókili Renat Qondybaev.
Órt qaýipsizdigin saqtamaǵany úshin 11 adamǵa ákimshilik shara qoldanylmaq. Salynǵan aıyppuldyń jalpy kólemi - 300 myń teńge.
Tekserý barysynda saýda oryndarynyń qyzmetkerlerine tótenshe jaǵdaı kezinde qalaı áreket etý kerektigi dep túsindirilýde. Osy maqsatta 9 ret tájirıebelik sabaq ótkizilgen.
