ShQO-nyń eki aýdanynda oqýshylar mektepke barmaıdy

ÓSKEMEN. KAZINFORM — Shyǵys Qazaqstan oblysynda aıazǵa baılanysty 2 aýdanda oqýshylar qashyqtan oqıdy.

ShQO Tótenshe jaǵdaılar departamenti baspasóz qyzmetiniń málimetine súıensek, Kúrshim aýdanynda aýa temperatýrasynyń -23-ten -30 gradýsqa deıin tómendeýi sebepti 1 jáne 2 aýysymdaǵy oqýshylar onlaın formatqa kóshirildi. Bul sheshim 0-4 synyptarǵa qatysty. 

— Al Altaı aýdanynda aýa temperatýrasy -28-ten -32 gradýsqa deıin tómendegen. Sondyqtan Pýtıntsevo orta mektebinde, Mıhaıl Bıketov atyndaǵy orta mektepte, Turǵysyn orta mektebinde, Novokrestıanka bastaýysh mektebinde, Lesnoprıstan orta mektebinde, Solovev orta mektebinde jáne Maıak orta mektebinde 1 jáne 2 aýysymdaǵy sabaqtar 0-4 synyptar qashyqtan oqıdy. Al Chapaev orta mektebinde jáne Mıhaıl Harın atyndaǵy mektepte 0-9 synyptar mektepke barmaıdy, — delingen aqparatta.

Eske salsaq, osyǵan deıin 2026 jyly Astanada taǵy 12 mektep salynatyndyǵy habarlanǵan.