ShQO-nyń Altaı aýdanynda 24 úıdiń aýlasyna sý kirý qaýpi tóndi
ÓSKEMEN. KAZINFORM – Shyǵys Qazaqstan oblysy Altaı aýdanynda 24 úıdiń aýlasyna sý kirý qaýpi tóndi.
Óńir ákimdiginiń málimetine súıensek, búgin jaýyn-shashynnyń mol túsýinen Altaı aýdany Zýbovsk kentindegi Buqtyrma ózeniniń sý deńgeıi kóterildi. Sonyń saldarynan 5 turǵyn úıge jáne 24 úıdiń aýlasyna sý kirý qaýpi tóngen.
«Aýdan ákimdigi men TJD aldyn ala is-qımyldarynyń arqasynda turǵyn úılerdi sý basý qaýpinen saqtap qaldy. Ózen jaǵalaýy aldyn ala nyǵaıtylyp, sý tasqynyna qarsy sharalar júrgizildi», - delingen aqparatta.
Turǵyndar evakýatsııadan óz erikterimen bas tartqan. Qazir olar týystaryna ýaqytsha ornalastyryldy. Aýyl mektebi qashyqtan oqytý formatyna aýystyryldy.
ShQO ákiminiń orynbasary Baqytjan Baıahmetov pen oblystyq TJD bastyǵy Erǵalı Bahaev aýdanǵa kelip, jaǵdaıdy óz baqylaýyna aldy. Tikushaq arqyly aýdandaǵy ózen deńgeıin baqylaý jumystary júrip jatyr.
Sondaı-aq Katonqaraǵaı aýdany Korobıha aýylynda da ózen deńgeıi kóterilgen. Sý turǵyn úıler men úı mańyndaǵy aýmaqtarǵa enbeı, kósheler boıyndaǵy tranzıtpen ótti.
