ShQO múgedekteri qatelikpen bıýdjetke 40 mln. teńge tólegen
ÓSKEMEN. QazAqparat - ShQO prokýratýrasy oblystyń múgedekteri birshama ýaqyt boıy zań júzinde bosatylǵan bola tura, salyq jáne basqa da tólemderdi tólep kelgendigin anyqtaǵan, dep habarlaıdy QazAqparat tilshisi.
Zań boıynsha osyndaı tólemderden bosatylǵanyna qaramastan, 2015 jyldyń qańtar aıynan 2017 jyldyń maýsym aıyna deıin 12 128 azamat memlekettiń qazynasyna 40 mıllıon teńgedeı aqsha tólegen. Osy 2 jarym jylda kóptegen múgedekter jeke menshik zat pen jer úshin, jáne de zatty memlekettik tirkeý úshin, taǵy da túrli tólemder jasaǵan. Atap aıtatyn bir jaıt, zań boıynsha múmkindigi shekteýli azamattar memlekettik qazynaǵa aqsha aýdarǵan bolsa, biraq oǵan mindetti bolmasa, bul aqsha qaıtarylýy tıis. Jaýapty vedomstvolar bilmeı aqsha aýdarǵan múmkindigi shekteýli azamattarǵa aımaqtyq memlekettik kirister bólimshelerine jolyǵýǵa shaqyrady.
3 jyl buryn tólengen aqsha, 5 jyl buryn tólengen salyq qaıtarylady. Tólengen salyqtardy qaıtarý úshin múgedekter memlekettik kiris bólimsheleriniń tóleý ornyna barýy kerek jáne salyq organdaryna júgingeni abzal. ShQO prokýratýrasynyń akparattyq hatynda sensek, aqshany qaıtaryp alý úshin jazylǵan hatqa banktegi shottyń bar ekendigi týraly aqparat jáne tólem qaǵazy nemese onyń kóshirmesi qajet.
