ShQO meshitteri men shirkeýlerde kún saıyn dezınfektsııa júrgizilýde
ÓSKEMEN. QazAqparat – Shyǵys Qazaqstan oblysyndaǵy barlyq meshitter men shirkeýlerde dezınfektsııalaý jumystary júrgizilýde, dep habarlaıdy QazAqparat.
Bul jaıly ShQO Aqparattyq ortalyǵynda ótken brıfıng barysynda oblystyq Din isteri basqarmasynyń basshysy Ánýar Abdýldın málimdedi.
«Elimizde jarııalanǵan tótenshe jaǵdaıǵa baılanysty qaıtys bolǵan adamnyń janazasy úıden shyǵarylady. Budan bólek, qatym túsirip, as berýge ýaqytsha tyıym salynǵan. Meshitter men shirkeýlerge barýǵa eshqandaı shekteý qoıylǵan joq. Dese de, ár adam jeke basynyń qaýipsizdigi úshin kópshilik qaýym jınalatyn jerlerde júrmeýge tyrysýy kerek», - dedi ol.
Basqarma basshysynyń aıtýynsha, óńirde koronavırýstyń aldyn alý maqsatynda barlyq meshitter men shirkeýlerde kún saıyn zalalsyzdandyrý jumystary júrgizilip jatyr.
