ShQO-men Reseı shekarasyndaǵy jol qaıta ashyldy

ÓSKEMEN. QazAqparat – Shyǵys Qazaqstan oblysynda Reseımen shekaradaǵy jolda kólik qozǵalysyna ruqsat berildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, keshe aýa raıynyń nasharlaýyna, naqty aıtqanda boran men joldyń durys kórinbeýine baılanysty Reseımen shekaradaǵy jol jabylǵan bolatyn.

«Búgin tańǵy saǵat 07.00-den bastap respýblıkalyq mańyzy bar «Óskemen-Shemonaıha-RF shekarasy» tasjolynyń 105-123 shaqyrymynda (Shemonaıha qalasy men Reseı Federatsııasy shekarasynyń aralyǵy) kóliktiń barlyq túrleriniń qozǵalysyna ruqsat berildi», - delingen aqparatta.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.