ShQO men Pavlodar oblysynda jalǵan qujat jasaýmen aınalysqan qylmystyq top ustaldy
QR Qarjy monıtorıngi agenttiginiń Shyǵys Qazaqstan oblysy boıynsha Ekonomıkalyq tergeý departamenti is júzinde jumystar oryndamaı, qyzmetter kórsetpeı, taýarlardy tıep-jóneltpesten shot-faktýra jazyp berýmen aınalysqan, quramynda 5 adam bar uıymdasqan qylmystyq topqa qatysty qylmystyq is tergeýdi aıaqtady.
Tekserý barysynda, uıymdasqan toptyń basshylary 2018 - 2020 jyldar aralyǵynda ShQO jáne Pavlodar oblystarynyń aýmaǵynda ózderiniń tanystary men týystarynyń, sondaı-aq áleýmettik jaǵdaıy tómen jandar men sottalǵandardyń atyna 9 jalǵan kásiporyn ashyp, zańsyz qyzmetti júzege asyrǵany anyqtaldy.
Shyndyǵynda kásiporyndar uıymdasqan qylmystyq toptyń baqylaýynda bolyp, olar kontragentterdi salyqty tóleýden bosatý maqsatymen jalǵan esepshottardy jazyp berýmen aınalysqan.
Ekibastuz, Pavlodar jáne Óskemen qalalarynda kásiporyndardyń tirkelý oryndary men fıgýranttardyń meken-jaılaryna tintý júrgizý barysynda jalǵan kásiporyndardyń býhgalterlik qujattary, mórler, kompıýterler men krıpto kiltter, chek kitapshalary, 9 mıllıon teńge aqsha alyndy.
Óskemen qalasy №2 sotynyń úkimimen UQT uıymdastyrýshylary men músheleri QR QK 262 baby 1-b. jáne 216 babynyń, 3-b. boıynsha kináli dep tanylyp, 3 jyldan 7 jylǵa deıin bas bostandyǵynan aıyryldy.
Jalpy 2020 jyly Departament osyndaı qylmyspen aınalysqan 4 uıymdasqan qylmystyq toptyń jolyn kesti.