ShQO men Mańǵystaý óńirinde respýblıkalyq mańyzdaǵy jol ýchaskeleri jabyldy
ASTANA. QazAqparat – Shyǵys Qazaqstan men Mańǵystaý oblysynda respýblıkalyq mańyzdaǵy jol ýchaskeleri jabyldy, dep habarlaıdy QazAqparat Respýblıkalyq mańyzy bar avtomobıl joldarynyń ulttyq operatoryna silteme jasap.
14 jeltoqsan kúni saǵat 11.00-de Shyǵys Qazaqstan oblysynda jasandy jolmen qar kóshkinin túsirý boıynsha profılaktıkalyq jumystardy júrgizýge baılanysty «Óskemen-Altaı-Úlken Naryn-Katonqaraǵaı-Rahmanov qaınarlary» tasjolynyń 6-66 shaqyrymdarynyń aralyǵy avtokóliktiń barlyq túri úshin jabyq. Bul Ýshanovskoe aýylynan Serebrıansk aýylyna deıingi aralyq.
Sondaı-aq búgin saǵat 11.00-den bastap Mańǵystaý oblysynda kúnniń buzylýyna baılanysty «Dossor-Qulsary-Beıneý-Saı Ótes-Shetpe-Jetibaı-Aqtaý» kúre jolynyń 647-701 shaqyrymy aralyǵynda avtokóliktiń barlyq túrleri úshin qozǵalysqa shekteý engizildi. Bul Shetpe aýylynan Jetibaı kentine deıingi ýchaske.
