ShQO men Almaty oblysynda turǵyn úıdegi órt saldarynan 3 adam kóz jumdy
ASTANA. QazAqparat - Almaty oblysy Eńbekshiqazaq aýdany Kosmos aýylyndaǵy jekemenshik turǵyn úıden keshe keshki saǵat 19-dar shamasynda órt shyqqan.
Tilsiz jaý 28 sharshy metr aýmaqty sharpyǵan. Oqıǵa ornynan ázirge kim ekeni anyqtalmaǵan belgisiz adamnyń múrdesi tabyldy, dep habarlaıdy QR TJM baspasóz qyzmetinen. Órtti sóndirý jumystaryna QR TJM Almaty oblystyq TJD órt sóndirý qyzmetiniń jeke quramynyń 7 adamy men 2 tehnıkasy jumyldyrylǵan.
Sondaı-aq Shyǵys Qazaqstan oblysy Rıdder qalasynda túngi saǵat 22.25-te jekemenshik turǵyn úıdi - 12 sharshy metr aýmaqty órt shalǵan. Tilsiz jaý bir saǵat ishinde sóndirildi. Oqıǵa ornynan eki adamnyń máıiti tabyldy. Onyń biri 1976 jyly týǵan azamat D.Chehlov, al ekinshisi 1977 jyly týǵan azamatsha I.Chehlova bolyp shyqty. Sondaı-aq ıis tıip ýlanǵan 1995 jyly týǵan azamat A.Efemov pen 2010 jyly týǵan bala D.Chehlov aýrýhanaǵa jetkizildi. Aıta keteıik, órtti sóndirýge QR TJM Shyǵys Qazaqstan oblystyq TJD órt sóndirý qyzmetiniń 5 adamy men 2 tehnıkasy jumyldyryldy.
