ShQO men Abaı oblysynda ekinshi aýysymdaǵy oqýshylar qalaı oqıdy
Abaı oblysy ákimdiginiń málimetine súıensek, 30 qarasha kúni saǵat 11.00-de Semeıde aýa temperatýrasy -24 gradýsqa deıin tómendedi.
«Soǵan oraı ekinshi aýysymdaǵy mektep oqýshylarynyń 1-4 synyptary qashyqtan bilim alady», - delingen aqparatta.
Abaı oblysy boıynsha Úrjar, Aıagóz aýdandarynda oqýshylar dástúrli formatta bilim alsa, qalǵan qala-aýdandarda túgeldeı onlaın formatqa aýystyrylǵan.
Sondaı-aq ShQO bilim basqarmasynyń dereginshe, Altaı, Glýbokoe, Samar, Katonqaraǵaı, Tarbaǵataı, Kúrshim, Shemonaıha, Ulan aýdandarynda ekinshi aýysymdaǵy 1-11 synyp oqýshylary úshin sabaqtar qashyqtan oqytylady.
Al basqa qala, aýdandarda balalar mektepke baryp bilim alady.
Eske salsaq, Semeıde jastar aıazda kóshe tazalap júrgen jumysshylarǵa ystyq shaı men baýyrsaq taratqan.
Sondaı-aq osyǵan deıin ShQO men Abaı oblysynda oqýshylar úshinshi kún qatarynan sabaqty úıden oqyp jatqanyn habarlaǵan edik.
