ShQO men Abaı oblysyndaǵy 6 jolda kólik qozǵalysyna shekteý qoıyldy

ASTANA. KAZINFORM — 2025 jylǵy 26 jeltoqsan saǵat 18:00–degi jaǵdaı boıynsha aýa raıynyń qolaısyzdyǵyna baılanysty 2 oblystaǵy 6 respýblıkalyq mańyzy bar avtomobıl jolynda kólik qozǵalysyna shekteý qoıyldy, dep habarlaıdy «QazAvtoJol» mekemesi. 

Abaı oblysy: 

— «Óskemen — Semeı» avtojolynyń 103-198 shaqyrymy aralyǵy (Shyǵys Qazaqstan oblysynyń shekarasynan Semeı qalasyna deıin).

Shyǵys Qazaqstan oblysy:

— «Óskemen — Semeı» avtojolynyń 10-103 shaqyrym aralyǵy (Gerasımovka aýylynan Abaı oblysynyń shekarasyna deıin);
— «Óskemen — Rıdder — RF shekarasy» avtojolynyń 15-105 shaqyrymy aralyǵy (Beloýsovka aýylynan Rıdder qalasyna deıin);
— «Almaty — Taldyqorǵan — Óskemen — Shemonaıha — RF shekarasy» avtojolynyń 1104-1191 shaqyrym aralyǵy (Glýbokoe aýylynyń burylysynan Shemonaıha qalasyna deıin);
— «Óskemen — Altaı — Úlken Naryn — Qatonqaraǵaı — Rahman qaınary» avtojolynyń 7-166 shaqyrym aralyǵy (Ýshanovskoe aýylynan Altaı qalasyna deıin);
— «Óskemen — Altaı — Úlken Naryn — Qatonqaraǵaı — Rahman qaınary» avtojolynyń 166-250 shaqyrym aralyǵyndaǵy ýchaskesinde (Altaı qalasynan Úlken Naryn aýylyna deıin).

Osyǵan deıin 26 jeltoqsanda jabyq turǵan joldar týraly aqparat berdik.