ShQO memlekettik-jekemenshik áriptestik jobalary boıynsha respýblıkada kósh bastady
ShQO ákimdiginiń málimetine súıensek, óńirde memlekettik-jekemenshik áriptestik aıasynda jalpy quny 103 mlrd teńge bolatyn 180 joba júzege asyp jatyr.
Jobalar turǵyndar úshin qaýipsiz orta qalyptastyrýǵa, TÚKSh júıesin jańǵyrtýǵa baǵyttalǵan.
Atalǵan jobalar sany boıynsha óńir Qazaqstanda kóshbasshy bolyp otyr.
«Semeı jáne Óskemen qalalarynda elektrondy bıletteý júıesi engizildi. Óskemende «Sergek» foto-beınetirkeý kameralary iske qosylǵan. Osyndaı joba Semeıde de qolǵa alynǵan. Sondaı-aq jeke ınvestor Kýrchatov shaharyndaǵy balabaqshany rekonstrýktsııalaý jumystaryna kiristi. Buǵan 482 mln teńge jumyldyrylǵan. Memlekettik múlikti senimgerlik basqarý sheńberinde Búırek ortalyǵy men hospıs qyzmetin júzege asyrý úshin Semeıdegi jáne Ulan aýdany Tavrııa aýylyndaǵy aýrýhanalar ǵımarattarynyń bir bóligi senimgerlik basqarýǵa berildi», - delingen aqparatta.
Eýropa qaıta qurý jáne damý banki arqyly 75 mlrd teńgege 12 bastama boıynsha kelisimder jasaldy.
Óskemen jáne Semeı qalalarynda jylýmen, sýmen jabdyqtaý júıelerin jańǵyrtý boıynsha 3 joba iske asyrylýda.
«Osy eki qalada kóshe jaryǵyn jańǵyrtý jumystary júrgizilýde. 2020 jyldan bastap 19 myń sham aýystyryldy. Osyndaı jumys barlyq aýdan ortalyqtarynda jalǵasyp jatyr. Joba boıynsha 32 myń shamdy aýystyrý kózdelip otyr», - delingen habarlamada.
