ShQO mektepterinde sońǵy qońyraý soǵyldy
ÓSKEMEN. KAZINFORM – ShQO ákimi Nurymbet Saqtaǵanov Shoqan Ýálıhanov atyndaǵy №3 mektep-lıtseıine baryp, mektep bitirýshi túlekterdi oqý ornyn aıaqtaýymen, al basqa oqýshylardy 2024–2025 oqý jylynyń aıaqtalýymen jáne jazǵy demalystyń bastalýymen quttyqtap, olarǵa jaqsy demalys tiledi.
Aıta ketý kerek, bul — oblys ákiminiń atalmysh mektepke alǵashqy sapary.
Bıyl óńirde 9104 9-synyp oqýshysy men 4430 11-synyp oqýshysy mektep bitirip jatyr. «Altyn belgige» úmitkerler sany — 368, úzdik attestatqa — 403. Joǵary oqý oryndaryna 3342 túlek, al kolledjderge 316 túlek oqýǵa túspek. Túlekterdiń 90%-dan astamy synama UBT-dan sátti ótti.
Oqýshylar jazǵy demalysta bolǵan kezde mektepterde jóndeý jumystary júrgiziledi. «2025–2027 jyldarǵa arnalǵan 1300 mektepti jańǵyrtý» baǵdarlamasy aıasynda oblysta 4,4 mlrd teńgege bes mektepte kúrdeli jóndeý josparlanǵan, al 60 bilim berý uıymynda aǵymdaǵy jóndeý jumystary júrgiziledi.
Barlyq jumys jańa 2025–2026 oqý jylyna deıin, ıaǵnı 1 qyrkúıekke deıin aıaqtalyp, balalar jańartylǵan synyptarda oqýlaryn jalǵastyratyn bolady.
Aıta ketelik Oqý-aǵartý mınıstri oqýshylardy oqý jylynyń aıaqtalýymen quttyqtaǵan edi.