ShQO mektepterinde merekelik sharalardy tek synyp arasynda ótkizýge ruqsat berildi
ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, búginde óńirde shekteý sharalary birshama jeńildetildi. Alaıda soǵan qaramastan naýryz aıyndaǵy merekeler qarsańynda bilim berý nysandarynda keıbir karantın talaptary qatań saqtalýy qajet.
«Balalar men jasóspirimder arasynda koronavırýs juqtyrý jaǵdaılary áli de anyqtalyp jatyr. Aýrýdyń taralý qaýpin eskere otyryp, mektepke deıingi jáne orta bilim berý uıymdarynda buqaralyq sharalarǵa, sondaı-aq toptar men synyptardy biriktire otyryp ótkiziletin sharalarǵa tyıym salyndy. Osyǵan baılanysty, mektepter men balabaqshalar sanıtarlyq-epıdemıologııalyq talaptardy saqtaı otyryp, tek bir top, bir synyp ishinde merekelik sharalardy ótkize alady», - delingen aqparatta.
Ata-analar men kelýshilerge «Ashyq» qosymshasynda «kók» nemese «jasyl» statýsy bolǵan kezde ǵana kirýge ruqsat beriledi.
