ShQO mektepterinde kóptildi bilim berý qolǵa alynýda
ÓSKEMEN. QazAqparat – Shyǵys Qazaqstan oblysyndaǵy mektep oqýshylary frantsýz jáne nemis tilderin oqıtyn bolady, dep habarlaıdy QazAqparat.
Bul jaıly búgin ShQO aımaqtyq kommýnıkatsııalar qyzmetinde ótken baspasóz konferentsııa barysynda oblystyq Bilim basqarmasynyń basshysy Saırangúl Jumadilova aıtty.
«Óńir mektepterinde kóptildi bilim berý qolǵa alynýda. Qazirde birqatar bilim ordalarynda túrik tili oqytylyp jatyr. Sondaı-aq, mektep baǵdarlamasyna frantsýz jáne nemis tilderin engizýdemiz», - deıdi ol.
Onyń aıtýynsha, muǵalimderdiń biliktilin arttyrýǵa da basa mán berilgen. Sońǵy 3 jylda osy maqsatta 6,5 mlrd teńge bólinipti.
Esterińizge sala ketsek, osyǵan deıin Shyǵys Qazaqstanda 2020 jyly 7,5 myń muǵalim arnaıy kýrstan ótetindigin habarlaǵan bolatynbyz. https://kaz.inform.kz/news/shko-da-biyl-7-5-myn-mugalim-arnayy-kurstan-otedi_a3614728
Talǵatjan Muhametbekuly
