ShQO medıtsınasy aldaǵy 5 jyldyń ishinde eýropalyq standarttarǵa sáıkes bolady
ÓSKEMEN. QazAqparat – Shyǵys Qazaqstan oblysynyń medıtsına salasy 2025 jylǵa qaraı eýropalyq standarttarǵa sáıkes bolady, dep habarlaıdy QazAqparat.
Bul jaıly búgin ShQO ákimi Danıal Ahmetov turǵyndar aldyndaǵy esep berý kezdesýinde aıtty.
«Sońǵy 3 jylda óńirde medıtsına salasyn damytýǵa 22,3 mlrd teńge bólindi. Nátıjesinde, zamanaýı jabdyqtar sany 2,5 esege ósip, 130 myńnan astam dıagnostıkanyń jáne emdeýdiń jańa ádisteri engizildi. 1535 dáriger álemdegi eń myqty mamandardyń 91 sheberlik saǵatyna qatysyp, 276 aq halatty sheteldik klınıkalarda biliktiligin arttyryp keldi», - deıdi aımaq basshysy.
2020 jyly 2920 dáriger 120 eldiń aýrýhanalarynda tájirıbelerin shyńdap qaıtpaq. Sondaı-aq aýyldy jerlerge medıtsına salasynyń mamandaryn tartý maqsatynda birqatar sharalar atqarylýda.
«Osy baǵyttaǵy jumystar aldaǵy ýaqytta mindetti túrde jalǵasyn tabady. Bizdiń maqsatymyz – Shyǵys Qazaqstannyń medıtsınasyn eýropalyq standarttarǵa sáıkes qylý. Buǵan 2025 jyly qol jetkizýdi josparlap otyrmyz», - deıdi Danıal Kenjetaıuly.
