ShQO medıtsına mekemelerinen 60 myńǵa jýyq kemshilik anyqtaldy
«Áleýmettik medıtsınalyq saqtandyrý qory» ShQO fılıaly baspasóz qyzmetiniń málimetine súıensek, óńir aýrýhanalaryndaǵy medıtsınalyq qyzmetterdiń sapasy men kólemine únemi monıtorıng júrgizilýde.
Sonyń nátıjesinde, bıyl 57 myń kemshilik anyqtalyp otyr.
«Medıtsınalyq mekemelerdegi eń kóp taralǵan buzýshylyq - bul turǵyndarǵa keńes berý jáne dıagnostıka qyzmetterin kórsetýde jiberilgen olqylyqtar. Ekinshi orynda kórsetilgen kómek kórsetkishin jasandy ósirý, emdeý qujattaryn qate toltyrý jáne dıagnostıka sharalaryn oryndaý barysynda standarttar men klınıkalyq protokoldardan negizsiz aýytqý bolyp otyr. Bıyl biz sapany baqylaý júıesine ózgeris engizýdik. Medıtsınalyq qyzmetterdi kórsetý tártibi men patsıentterdiń quqyǵyn buzý faktilerin anyqtaý jáne aldyn alý úshin turaqty túrde monıtorıng júrgizilýde», - dedi fılıal dırektory Ǵalymjan Ábilov.
Onyń aıtýynsha, aýrýhanada qandaı da bir kemshilikter anyqtalǵan jaǵdaıda 45 kún ishinde sol olqylyqtardyń orny tolyqtyrylýy tıis.
Atalǵan merzim ótken soń nátıje shyǵarmaǵan medıtsınalyq mekemege aıyppul salynady.
