ShQO-lyq oqýshy kartop ónimdiligin arttyratyn joba jasap shyǵardy

ÓSKEMEN. QazAqparat – Shyǵys Qazaqstan oblysyndaǵy 4-synyp oqýshysy kartop ónimdiligin arttyratyn joba jasap shyǵardy, dep habarlaıdy QazAqparat tilshisi.

Oblystyq daryndy balalarǵa arnalǵan valeologııalyq mamandandyrylǵan mektep-kesheniniń oqýshysy Denıs Lagýtın kartop ónimdiligin arttyratyn joba jasap shyǵardy.

Ol organıkalyq jáne mıneraldy tyńaıtqyshtardy qoldana otyryp, mıkroklonaldy kóbeıý ádisimen kartopty saýyqtyrýdyń jolyn oılastyrǵan. Negizinen pııaz, jumyrtqa qabyǵy, banan qabyǵyn, shaı japyraqtary, qyzylsha qabyǵy men tsıtrýs qabyǵyn paıdalanǵan. Denıstiń bul jobamen aınalysqanyna eki jyl bolyp otyr.

– Tájirıbe alty shelekte júrgizildi. Atap aıtqanda, tyńaıtqysh qosylmaǵan úsh baqylaý, úsh mıneraldy jáne úsh organıkalyq. Tyńaıtqysh kóp bolmaǵan baqylaý konteınerinen men 10 dana kartop aldym, mıneraldy tyńaıtqyshpen – 15, al organıkalyq tyńaıtqyshpen – 17, – deıdi 4-synyp oqýshysy Denıs Lagýtın.

Gıpotezany rastaǵannan keıin Denıstiń jobasy aıaqtalady. Sodan soń ol basqa zertteý taqyrybyn tańdap, ǵylymdaǵy eńbegin ary qaraı jalǵastyrmaq.