ShQO-lyq qutqarýshylar názik jandylardy erekshe quttyqtady
ÓSKEMEN. QazAqparat – Shyǵys Qazaqstan oblysynyń qutqarýshylary 8 naýryz – Halyqaralyq áıelder kúnine oraı názik jandylardy erekshe quttyqtady, dep habarlaıdy QazAqparat tilshisi.
ShQO TJD jáne Rıdder qalasynyń TJB qutqarýshylary oqý-jattyǵý ótkizgen. Stsenarıı boıynsha olımpıada rezervi respýblıkalyq sport mektep-ınternat-kolledjiniń bazasynda taýly aımaqtarda ótkizilgen jarys barysynda 2 shańǵyshy bala qar kóshkini astynda qalǵan. Birden jarys toqtatylyp, jattyqtyrýshylar bolǵan jaǵdaı týraly «112» qyzmetine jedel habarlaıdy. Oqıǵa ornyna qutqarýshylar kelip, kóshkin astynda qalǵan eki balany taýyp alady. Qutqarýshylar balalarǵa alǵashqy kómek kórsetip, jedel járdem dárigerlerine tapsyrady.
«Oqý-jattyǵý aıaqtalǵannan keıin qutqarýshylar tosynsyı jasap, shańǵy jarysyna qatysýshy áıelder men jattyqtyrýshylardy quttyqtap, olarǵa gúl shoqtaryn syıǵa tartty. Tek jumys kúnderi ǵana emes, demalys kúnderi de mańdaı terdi tógip qyzmet etýdiń aýyrlyǵyna qaramastan, TJD ujymy áıelder merekesin nazardan tys qaldyrmaıdy», - dep habarlady oblystyq Tótenshe jaǵdaılar departamentiniń baspasóz qyzmeti.
Áıelder qaýymy qutqarýshylardyń erekshe quttyqtaýlaryna tańyrqap, rızashylyqtaryn bildirdi.
