ShQO-lyq bıshi Álem kýbogy men Qurlyqtar kýbogyn ıelendi
ÓSKEMEN. QazAqparat – Sankt-Peterbýrgte tórtinshi qyrkúıekten bastap «Arbadaǵy bı boıynsha 2019 Álem kýbogy – Qurlyqtar kýbogynan» jarys ótti, dep habarlaıdy QazAqparat.
Jarystyń alǵashqy kúni Qurlyqtar kýbogy baǵdarlamasy boıynsha ótti. Úrjardaǵy Arnaıy áleýmettik qyzmet kórsetý ortalyǵynda ómirge kelgeli beri tárbıelenip kele jatqan Alekseı Jýravlev «Erkin qus» baǵdarlamasyn oryndap, ekinshi oryn aldy. Ol kúmis júldemen marapattalyp, Kýbokty ıelendi.
Álem kýbogy baǵdarlamasy boıynsha, Alekseı Jýravlev Latyn Amerıkasy baǵdarlamasy boıynsha 3 bı oryndaǵan. Ol birinshi oryn ıelenip, Altyn júlde men Álem kýbogyn aldy. Endi ol Germanııadaǵy álem chempıonatyna qatysa alady.
Alekseı arbadaǵy bı boıynsha Qurlyqtar kýbogynda qatarynan úsh jyl birinshi oryn alyp otyr. Qazaqstannyń jasóspirimder komandasy abyroımen óner kórsetip, sporttyń osy túriniń respýblıkada aıtarlyqtaı damyp jatqanyn kórsetti. Jarysqa álemniń 20 eliniń sportshylary qatysty.
