ShQO Qytaıdaǵy EKSPO kórmesinde ýrandyq tabletkalar usynady

ÓSKEMEN. QazAqparat – Shyǵys Qazaqstan oblysy Qytaıda ótetin «EKSPO» kórmesine atom elektr stantsııalaryna arnalǵan ýrandyq tabletkalardy usynbaq, dep habarlaıdy QazAqparat tilshisi.

Osy jaıly ShQO ákimi Danıal Ahmetov halyqqa esep berý barysynda aıtty.

«Bul daıyn ónim ıadrolyq reaktorlarǵa arnalǵan otyn sııaqty bolady. Osyndaı ónim óńirde buryn óndirilmegen. Buǵan deıin Shyǵys Qazaqstan aýmaǵynda tek shıkizat óndirilip, kórshi elderge jiberiletin», - dedi aımaq basshysy.

Osylaısha, Ǵylymı-zertteý jáne tájirıbelik-konstrýktorlyq jumystar baǵdarlamasynyń jáne kásiporyndardyń joǵary tehnologııalyq jabdyqtarynyń arqasynda Qytaıda ótetin EKSPO kórmesinde AES-ke arnalǵan ýrandyq tabletkalar usynylmaq.

Esterińizge sala ketsek, búgin esep berý kezdesýinde ShQO sút óndirisi boıynsha respýblıkada kósh basynda turǵany aıtyldy.