ShQO qutqarýshylaryna kún saıyn 300-den astam qońyraý túsedi
ÓSKEMEN. QazAqparat – Shyǵys Qazaqstan oblysynyń qutqarýshylaryna kún saıyn 300-den astam qońyraý túsedi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, «101» jáne «112» jelilerine kún saıyn 300-350 qońyraý túsedi. Habarlasqandar kóbinese oqys oqıǵalarǵa tap bolyp nemese órt shyqqanyn aıtyp kómek suraıdy.
«Alaıda keıde qyzyq qońyraýlar bolady. Birde Óskemen turǵyny páterinde jolbarys júrgenip aıtyp, ózin qutqarýdy surady. Alaıda TJD qyzmetkerleri sol jerge jetkende eshqandaı jyrtqysh ań joq bolyp shyqty», - delingen aqparatta.
Birde Óskemen qalasynda qutqarýshylarǵa qońyraý shalǵan áıel Obraztsovaıa kóshesindegi úıde órt shyqqanyn jetkizdi. Oqıǵa ornyna kelgen órt sóndirýshiler páterden janyp turǵan maıshamdy kórdi. Sóıtse, ol jerde er adam súıiktisine romantıkalyq keshki as uıymdastyrǵan eken.
Keıde adamdar lıftte qamalyp qalyp, kómek suraıdy. Dıspetcherler ondaı kezde psıholog bolyp, azamattardy sabyrǵa shaqyrady.
