ShQO qutqarýshylary jyl basynan beri 64 adamdy ajaldan arashalap qaldy

ÓSKEMEN. QazAqparat – Shyǵys Qazaqstan oblysynyń qutqarýshylary jyl basynan beri 64 adamdy aman alyp qaldy, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, Óskemende Otan qorǵaýshylar kúnine arnalǵan saltanatty marapattaý rásimi ótken.

«Jyl basynan beri Shyǵys Qazaqstannyń órt sóndirýshileri men qutqarýshylary 800-den astam ret túrli tótenshe jaǵdaılar men oqıǵalarǵa bardy. Barlyǵy 64 adam qutqarylyp, 106 adam evakýatsııalandy. Kún saıyn olar halyq qaýipsizdigin kúzetip, el alǵysyna bólenip júr», - deıdi oblystyq TJD bastyǵynyń orynbasary Serik Amangeldın.

Erekshe kózge túsken qyzmetkerler QR tótenshe jaǵdaılar mınıstriniń atynan medaldarmen, tósbelgimen jáne alǵys hatpen marapattaldy.

Sonyń biri – Glýbokoe aýdanynda balany órtten qutqarǵan Evgenıı Shımın.

«Departament qyzmetkerleri qyzmettik boryshyn oryndaý kezinde qaza bolǵan áriptesterin eshqashan umytpaıdy. Dástúr boıynsha mereke qarsańynda eske alý stellasyna gúl shoqtary qoıylady», - delingen aqparatta.