ShQO qutqarýshylary jolda qalǵan dárigerlerge naýqasqa jetýge kómektesti

ÓSKEMEN. QazAqparat – Shyǵys Qazaqstan oblysynyń qutqarýshylary jolda qalǵan dárigerlerge kómekke keldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Altaı qalasynda jedel járdem qyzmetkerleri birneshe kún boıy aýyryp jatqan naýqasqa qaraı jolǵa shyqqan.

Biraq aýa raıynyń qolaısyzdyǵyna baılanysty qala shetindegi saıajaı qaýymdastyǵynda ornalasqan jer úıge jete almaı qaldy.

«Olarǵa kómekke qutqarýshylar ótimdiligi joǵary tehnıkamen keldi. Jetýi qıyn joldan tez ótip dárigerlerdi er adamnyń úıine deıin aparyp tastady. Tekseristen soń naýqasty aýrýhanaǵa jatqyzý qajettigi belgili bolǵan. Departament qyzmetkerleri aq halattylar men azamatty jedel járdem kóligine jetkizdi», - dep habarlady vedomstvo ókilderi.