ShQO qutqarýshylary jolda qalǵan avtobýs jolaýshylaryn evakýatsııalady
ÓSKEMEN. QazAqparat – Shyǵys Qazaqstan oblysynyń qutqarýshylary dóńgelegi jarylyp jolda qalǵan shaǵyn avtobýs jolaýshylaryn evakýatsııalady, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, «Aqsýat-Aqjar» tasjolyndaǵy Bakeı ýchaskesiniń aýmaǵynda kele jatqan shaǵyn avtobýstyń 2 birdeı dóńgelegi jarylyp qalǵan. Shaǵyn avtobýs ishinde 11 jolaýshy boldy.
«Oqıǵa ornyna qutqarýshylar shuǵyl jetti. Olar 8 adamdy Aqjar aýylyna deıin jetkizip tastady. Al 3 azamat kólik dóńgelekterin aýystyrý úshin sonda qalǵan», - delingen habarlamada.
Osy rette, TJD turǵyndarǵa alys saparǵa shyǵar aldynda kóliktiń tehnıkalyq jaǵdaıyn jiti tekserý qajettigin eskertedi.
