ShQO qutqarýshylary Jańa Úlbi aýylynyń turǵyndaryn evakýatsııalaýda
ÓSKEMEN. QazAqparat - Shyǵys Qazaqstan oblysynyń qutqarýshylary Glýbokovskoe aýdany Jańa Úlbi aýylynyń turǵyndaryn evakýatsııalaýda, dep habarlady «Qazqparat» HAA tilshisi oblystyq TJD-ǵa silteme jasap.
Jaýyn-shashyn saldarynan Úlbi ózeninde sý deńgeıi kóterilip, ózen tasydy. Qazir 14 aýlany sý basty. Olardyń tórteýi jekemenshik úı, 10-y saıajaı. Qutqarýshylar kópirge kireberisti sý basqandyqtan aýyl turǵyndaryn ózenniń basqa jaǵasyna shyǵýǵa járdemdesýde.
Qaıyqpen 26 eresek, 8 bala evakýatsııalandy. Taǵy tórteýi kóshýden bas tartty. Qurbandar men zardap shekkender joq. Oqıǵa ornynda oblystyq TJD bastyǵy Nurlan Madııarov, Glýbokovskoe aýdanynyń ákimi, oblystyq ákimdik ókilderi bar. TJ qyzmeti turǵyndardy birneshe kún buryn jaýyn-shashynnyń artynan bolýy múmkin sý tasqyny jaıly habardar etken.
«Shaǵyn Úlbi ózeni - Taýly Úlbi aýyly» gıdrobeketiniń derekterine sáıkes táýlik ishinde Shaǵyn Úlbi ózeninde sý deńgeıi 94 santımetrge jetti. TJQ jaǵdaı baqylaýda ekenin aıtty.
