ShQO qutqarýshylary reseılik áriptesterimen birlesip oqý-jattyǵý ótkizdi

ÓSKEMEN. QazAqparat - Shyǵys Qazaqstan oblysynyń jáne Reseı Federatsııasynyń qutqarýshylary orman órtterin sóndirýge saqadaı saı daıyn bolý úshin aýqymdy oqý-jattyǵý ótkizdi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Qazaqstan Respýblıkasy men Reseı Federatsııasy Altaı ólkesiniń shektes aýmaǵynda aýqymdy transshekaralyq órt-taktıkalyq oqý-jattyǵýlary ótti.

«Órtte shekara bolmaıdy. Sondyqtan tilsiz jaýǵa qarsy turý úshin birlesken is-qımyldardy pysyqtaý mańyzdy. Eki eldiń órt sóndirýshileriniń aldynda «Semeı ormany» memlekettik orman tabıǵı rezervaty» memlekettik mekemesiniń Morozov fılıaly Polıan ormanshylyǵy aýmaǵynda shartty orman órtin joıý mindeti turdy», - dedi Shyǵys Qazaqstan oblysy ákiminiń orynbasary Baqytjan Baıahmetov.

Oqý-jattyǵý stsenarııi boıynsha naızaǵaı túsip, ormanda órt shyqqan. Jel ekpini sekýndyna 12,5 metrge jetip, jaqyn mańdaǵy Ernazar aýylynda, sondaı-aq Reseı Federatsııasy Altaı ólkesiniń Stepno-Mıhaılovskıı orman sharýashylyǵynyń irgeles aýmaǵynda órt taralǵan. Osy aýyldardyń turǵyndary jedel túrde evakýatsııalanyp, zardap shekkenderge ShQO fılıaly Apattar medıtsınasy ortalyǵynyń dárigerleri kómek kórsetti.

Shartty órtti sóndirýge Shyǵys Qazaqstan men Pavlodar oblysy qutqarýshylarynan, orman sharýashylyǵynan, «Semeı ormany» «Ertis ormany», Tabıǵat paıdalanýdy retteý jáne paıdalaný basqarmasy, 68303 áskerı bóliminen 55 adam jáne 164 tehnıka jumyldyrylǵan.

Jedel áreket etý úshin ShQO TJD qutqarýshylary sýaǵar qurylǵysy bar MI-8 tikushaǵyn iske qosty. Otqa qarsy turǵan kúrdeli jáne kóp saǵat boıy qutqarýshylardyń, eki jaqtyń ormanshylarynyń kúsh-jigeriniń arqasynda 280 gektar alqaptaǵy órt sóndirilip, jalynnyń ary qaraı taralýyna jol berilmedi.

«Osyndaı aýqymdy jattyǵýdy ótkizý azamattyq qorǵaýdyń jeke quramyna jáne qutqarýshylarǵa, avıaormanqorǵaýǵa, ormanshylarǵa eldi mekenderge tóngen qaýipti eskere otyryp, orman jáne dala órtterin sóndirýde óz sheberligin shyńdaýǵa múmkindik berdi. Aldaǵy ýaqytta da osyndaı daıyndyq jumysy uıymdastyrylady» -dep atap ótti ShQO TJD bastyǵy Erlan Nurpeıisov.

Shyǵys Qazaqstanda jaýyngerlik is-qımyldar júrip jatqan kezde Reseı tarapy onlaın rejımde órtti sóndirý barysyn qadaǵalap jáne óz qımyldaryn úılestirdi.

«Oqý-jattyǵýlardy ótkizýdiń barlyq sharttary shynaıy jaǵdaıǵa jaqyn boldy. Shekara mańyndaǵy aýdanda birlesken jattyǵý ótkizý tótenshe jaǵdaılar bólimsheleriniń, Reseı men Qazaqstannyń orman sharýashylyǵy tabıǵı órtterdiń týyndaýyna eki jaqty daıyndyǵyn baǵalaýǵa múmkindik beredi», - dedi Reseı TJM Altaı aımaǵy boıynsha 9-órt sóndirý-qutqarý jasaǵynyń bastyǵy ıÝrıı Volkov.