ShQO qutqarýshylary pesh jaǵyp otyrǵan 102 myńnan astam jer úıdi tekserdi
ShQO Aqparat ortalyǵynda ótken brıfıng barysynda oblystyq TJD ókili jer úılerde órttiń aldyn alý maqsatynda qandaı jumystar atqarylyp jatqandyǵyn aıtyp berdi. Jalpy jyl basynan beri jeke turǵyn úılerde órt shyǵýy 18%-ǵa, qyzyl jalynnan qaza bolǵandar sany 44%- ǵa azaıyp otyr.
«Qutqarýshylar oblys boıynsha pesh jaǵyp otyrǵan 102 myńnan astam úıdi tekserdi. Sonyń nátıjesinde órt qaýipsizdigi erejelerin buzýdyń 23 560 faktisi tirkeldi. Úı ıelerine túsindirý jumystary júrgizilip, tıisti nusqaýlar berildi», - deıdi departamenttiń memlekettik órt baqylaý basqarmasynyń bas mamany Anastasııa Sklıar.
Sondaı-aq óńirde peshpen jylytylatyn 3 174 úıde áleýmettik osal sanattaǵy otbasylar turady. TJD qyzmetkerleri jergilikti atqarýshy organdarmen birlesip, osy úılerdi eki ret aralap shyqty. Nátıjesinde 2357 buzýshylyq anyqtaldy. Onyń 1613-i peshti, 573-i elektr jelileri men elektr jabdyqtaryn paıdalanýǵa, 171-i gaz ballondaryn saqtaýǵa qatysty bolyp otyr.
