ShQO qutqarýshylary páterde qamalyp qalǵan balany qutqardy
SEMEI. QazAqparat – 22 qazan kúni Semeı qalasynda Rysqulov kóshesinde úsh bala páter ishinde qamalyp qalǵan. Olarǵa jedel qutqarýshylar kelip, arnaıy qural-saımandardyń kómegimen esik qulpyn buzdy, dep habarlaıdy QazAqparat Shyǵys Qazaqstan oblysy Tótenshe jaǵdaılar departamentiniń baspasóz qyzmetine silteme jasap.
Tótenshe jaǵdaılar qyzmetiniń qyzmetkerleri osyndaı qutqarý operatsııalaryna jıi shyǵady. Kún saıyn ShQO TJD qyzmetkerleri qulyptanyp qalǵan esikti ashýǵa shaqyrtý alyp otyrady.
Oqıǵa ornyna kelgen qutqarýshylar esikter men qulyptardy buzady. Olar muny apattyq-qutqarý quraldarynyń kómegimen jasaıdy. Kóp jaǵdaıda jabyq esikterdiń arǵy jaǵynda egde jastaǵy adamdar men kishkentaı balalar qalady.
Atalǵan jaǵdaılar tek qana kiltti umytqannan emes, sonymen qatar esikti ishten shappamen jabý saldarynan bolady.
«Kishkentaı balalar men egde jastaǵy adamdar turatyn úılerdiń esikterine shappa ornatpaǵan jón», - dep keńes beredi ShQO TJD ókiliBolat Nurdybaev.
ShQO TJD ata-analarǵa balalaryna qaýipsizdik sharalaryn túsindirý jáne olardy qaraýsyz qaldyrmaý kerektigin eske salady.
Tótenshe jaǵdaı kezinde 112 nómiri boıynsha habarlasý kerek.
