ShQO qutqarýshylary órttiń aldyn alý úshin ǵaryshtan monıtorıng jasaýda

ÓSKEMEN. QazAqparat – Shyǵys Qazaqstan oblysynda kóktem shyqqaly beri 423 ret dala órti aýyzdyqtaldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńir qutqarýshylary kúsheıtilgen rejımde jumys isteýge kóshti.

«Kóktem shyqqaly beri oblys aýmaǵynda 423 ret dala órti sóndirildi. Tilsiz jaýdyń jalpy aýdany 12 952 gektardy quraǵan. Onyń ishinde TJD qyzmetkerleri ormandaǵy 13 órtti aýyzdyqtaýǵa attandy», - delingen aqparatta.

Otty alǵash tutanǵan sátte óshirý úshin qutqarýshylar ǵaryshtan monıtorıng jasaýda. Bul derekterdi «Qazaqstan Ǵarysh Sapary» UK men «Geosat» JShS usynady.

Termonúkteler boıynsha tıisti derekterdi alýǵa múmkindik bar.

«Búgingi tańda osy tehnologııanyń kómegimen órt dereý anyqtalyp jatyr. 2022 jyldyń 4 sáýirinen bastap 152 termııalyq núkte tirkelgen. Olardy órt sóndirý bólimsheleriniń qyzmetkerleri jedel pysyqtap, jalynnyń odan ári taralýyna jol bermedi», - delingen habarlamada.

Esterińizge sala ketsek, osyǵan deıin ShQO-da er adam tanysyna óshigip, onyń úıin órtep jibergenin habarlaǵan edik.