ShQO qutqarýshylary órt shyqqan úıden 29 adamdy evakýatsııalady
ÓSKEMEN. QazAqparat - ShQO qutqarýshylary órtten 29 adamdy, onyń ishinde 5 balany evakýatsııalady, dep habarlaıdy QazAqparat.
Aıagóz qalasynda 4 páterli barak úıdegi órtti kórshileri baıqap, shuǵyl túrde «101» nómirine habarlasqan.
Kelgen órt sóndirý bólimsheleri búkil páterlerdi aralap, turǵyndardan janyp jatqan úıden ketýdi surady. Qutqarýshylar 8 adamdy, onyń ishinde 2 balany evakýatsııalady.
Bos páterde 4 sharshy metr aýmaqta japsarlas qurylys dáliziniń aǵash qabyrǵasy órtengen.
Órt sebebi boıynsha aldyn ala nusqa – elektr jabdyqtaryn paıdalaný kezinde órt qaýipsizdigi erejelerin saqtamaý jáne otty abaısyz paıdalaný.
Glýbokoe aýdanynda ıÝbıleınaıa kóshesi boıynsha 5-qabatta ornalasqan kópqabatty úıdiń jatyn bólmesinde jalpy aýdany 15 sharshy metr tereze, esik bloktarynyń, jıhazdyń aǵash konstrýktsııalary, jeke zattar janǵan.
Qutqarýshylar qaýipti aımaqtan 21 adamdy, onyń ishinde 3 balany jedel evakýatsııalady.
Óskemende Chernova kóshesi boıynda qabyrǵalardyń aǵash konstrýktsııalary, kirý tobynyń jabyndary, jeke úıdiń shatyry, sondaı-aq jeke úıge japsarlas salynǵan sharýashylyq qurylystarynyń aǵash konstrýktsııalary janǵan.
Órttiń aldyn ala sebebi - otty abaısyz qoldaný.
