ShQO qutqarýshylary órt qaýpi joǵary kezeń bastalǵaly 546 ret reıdke shyqty
ShQO Aqparat ortalyǵynda ótken baspasóz máslıhaty barysynda oblystyq TJD memlekettik órt baqylaý basqarmasynyń bas mamany Anastasııa Sklıar bıylǵy órt qaýpi joǵary kezeńniń qalaı ótip jatqany týraly aıtty.
«Oblys aýmaǵynda 48 orman órti tirkelip, 1 958,1 gektar aýmaqty sharpydy. 70-ten astam ret dalada shóp janǵan. Qyzyl jalynnyń jalpy aýdany 1 348,8 gektardy qurady», - dedi ol.
Órt qaýpi joǵary kezeńde qaýipsizdikti qamtamasyz etý úshin azamattyq qorǵaý qyzmetkerleri, polıtseıler, ormanshylar jáne jergilikti atqarýshy organ ókilderi qatarynan 46 mobıldi top quryldy. Onda barlyǵy 270 adam bar.
Olar 546 ret reıd júrgizip, órt qaýipsizdigi talaptaryn buzýdyń 37 faktisin anyqtady. Sondaı-aq jalpy sany 15 292 adamǵa órt qaýipsizdigi erejeleri túsindirilgen.
«Qazirgi ýaqytta Shyǵys Qazaqstan oblysy boıynsha jergilikti atqarýshy organdardyń qarajaty esebinen qurylǵan 41 órt sóndirý beketi jumys isteıdi. Onda 51 adam jáne 43 tehnıka bar. Al óńirdiń eldi mekenderin tolyqtaı qamtý úshin taǵy 10 órt sóndirý beketin qurý qajet. Atalǵan beketterdi iske qosylsa 28 myńǵa jýyq adamdy turatyn 25 eldi mekendi órtten qorǵaýǵa múmkindik týady», - dedi Anastasııa Sklıar.
